நீயற்ற என்
வானத்தில்
நிறமற்று
நிற்கிறது
வானவில்..!
மழை வெயில் அறியாமல்
கைகோர்த்து நெடுந்தூர நடை
நேரம் தெரியாமல் கதை
பல சினிமாக்கள்
சில கவிதைகள்
என்று யாதொரு கவலையும் இன்றி
அழகாக கழிந்த
முன்பொருநாட்கள்
எப்போது திரும்பும்
மீண்டும்..
நீலவானம்
பௌர்ணமி நிலவு
மெல்லிய காற்று
ஓயாத அலை...
என்னருகில்
நீ..
உன்னருகில்
நான்..
கைகோர்த்தபடி
மௌனப்பார்வையில்
பேசிக்கொள்ளும்
இத்தருணமும்
ஒரு
கவிதையே..!
நீ பரிசளித்த பேனாக்கள் யாவும்
உன்னை பற்றி எழுத சொல்லும்...
மூடியை திறந்த
மறுகணம்
உன்வாசனை
எனது எழுத்துக்களில்..!